AQSh-tyń Dallas (Tehas shtaty) qalasynda ýshýdan 16-shy álem chempıonaty búgin aıaqtaldy. Ýshý sportynyń sanda túrinen Ulttyq qurama sportshylary 4 medal jeńip aldy, dep habarlaıdy Egemen.kz Sportty damytý dıreksııasynyń baspasóz qyzmetine silteme jasap.
Kúmis medaldi Nursultan Tursynqulov (+90 kg) qańjyǵasyna baılady, al, Aqnıet Marat (75 kg), Beksultan Koskenov (65 kg), Islam Karımov (56 kg) qola júldelerdi enshiledi. Bıylǵy álem chempıonatyna 80-nen astam elden 800-ge jýyq sportshy qatysty. Qazaqstan jalpy esepte 16-satyǵa turaqtady. Osyǵan deıingi álem chempıonaty 2019 jyly Qytaıdyń Shanhaı qalasynda ótip, Ulttyq qurama Islam Karımovtyń (52 kg) qola júldesin qanaǵat tutqan.