Mánerlep syrǵanaýdan ulttyq qurama múshesi Rahat Bralın Estonııada ótken Tallinn Trophy halyqaralyq týrnırinde kúmis medal ıelendi, dep habarlaıdy Egemen.kz Týrızm jáne sport mınıstrligi Sportty damytý dıreksııasynyń baspasóz qyzmetine silteme jasap.
Tallın qalasyndaǵy halyqaralyq týrnır 20 jyldan beri turaqty ótip keledi. Bıyl 19 elden mánerlep syrǵanaýshy qatysyp, baǵyn synady. Rahat qysqa baǵdarlamada 65.18 ball enshilep, úshinshi orynǵa turaqtaǵan. Erkin baǵdarlamada 128.90 upaı oljalady. Halyqaralyq týrnırdiń altyn medali Izraıl sportshysy Lev Vınokýrge buıyrdy. Qola medal Ýkraına sportshysy Kırılo Marsakqa berildi.