Birikken kúres áleminiń (UWW) bıýro músheleri 2024 jyly Parıjde alaýy tutanatyn olımpııa oıyndarynyń irikteý týrnıriniń formatyna biraz ózgeris engizdi.
Tórtjyldyqtyń basty dodasynyń alǵashqy 90 joldamasy bıyl qyrkúıek aıynda Serbııa astanasy Belgradta ótken álem chempıonatynda taratyldy. Kelesi jyldyń kókteminde ár qurlyqta lısenzııalyq týrnırler uıymdastyrylady: Amerıka (28 aqpan – 1 naýryz, Akapýlko, Meksıka), Afrıka (22-24 naýryz, Aleksandrııa, Mysyr), Eýropa (5-7 sáýir, Baký, Ázerbaıjan) jáne Azııa (19-21 sáýir, Bishkek, Qyrǵyzstan). Osy básekelerde aqtyq synǵa deıin alqynbaı jetken 144 balýan Olımpıadada baq synaý múmkindigine ıe bolady. Sol sebepti fınaldyq saıystar ótpeıdi.
Sońǵy jahandyq jarysty Túrkııanyń Ystanbul qalasy qabyldaıdy. 9-12 mamyr aralyǵynda Anadoly elinde jalaýy jelbireıtin jarysta 18 olımpıadalyq salmaqtyń árqaısysynda úsh joldamadan sarapqa salynady.