Italııanyń Montesılvano qalasynda ótken shahmattan balalar men jasóspirimder arasyndaǵy álem birinshiliginde jerlesterimiz úsh júldege qol jetkizdi.
14 jasqa deıingi oıynshylar saıysynda Elnaz Qalıahmettiń altyn alýyna tamasha múmkindigi boldy. Ol segiz básekede basymdyq tanytyp, eki kezdesýdi teń aıaqtady. Taǵy bir partııada jeńilis tapty. Osy jalǵyz ǵana sátsiz oıyn Elnazdy bas júldeden aıyrdy. Bul topta ózbekstandyq Afrýza Hamdanova aldyna jan salmady. 16 jastaǵy boıjetkenderdiń básekesinde Alýa Nurmanova qolaǵa qol sozdy. Qazaq qyzy qytaılyq Van Chýsıao men reseılik Aleksandra Shvedovadan qalyp qoıdy.
Jasóspirim uldardyń jarysynda Aldııar Ańsatqa qola medal buıyrdy. Ol 7 jeńis, 1 jeńilis jáne 3 teń oıynmen úzdik úshtikti túıindedi. Reseılik Alekseı Grebnev pen Volodar Mýrzın Aldııardyń aldyn orap ketti.