Pavlodar oblysy Polısııa departamenti uıymdasqan qylmysqa qarsy kúres basqarmasynyń jedel ýákilderi prokýratýranyń úılestirýimen bopsalaýmen aınalysqan qylmystyq topty ustady, dep habarlaıdy Egemen.kz Polisia.kz-ke silteme jasap.
Qylmystyq top quramyna 25 pen 35 jas aralyǵyndaǵy adamdar kirgen. Qazirgi ýaqytta kúdiktilerdiń bopsalaýdyń bes deregine qatysy bar ekeni anyqtaldy.
Sonymen qatar top músheleriniń Pavlodar oblysynyń aýmaǵynda qarýdy qoldanýmen buzaqylyq jasaýǵa jáne páter urlyǵyna qatysy bar-joǵy da tekserilip jatyr. Tintý sharalarynyń nátıjesinde qatysýshylardan bes atys jáne travmatıkalyq qarý, qoldan jasalǵan kastetter, shoqpar men pyshaqtar, sondaı-aq RGD-5 granatasy tárkilendi. Tárkilengen qarý boıynsha saraptama taǵaıyndalǵan.
«Qylmystyq toptyń jeti múshesi ustaldy, onyń ishinde eń belsendi úsh qatysýshysy ýaqytsha ustaý ızolıatoryna qamaldy. Jedel-tergeý sharalary jalǵasyp jatyr. Tergeý Qazaqstan Respýblıkasy Qylmystyq kodeksiniń birneshe babtary boıynsha júrgizilip jatyr», dedi QR IIM uıymdasqan qylmysqa qarsy kúres departamentiniń ókili Qýandyq Alpys.