Densaýlyq saqtaý mınıstri Ajar Ǵınııat ekpeniń qaýipsiz ekendigin kórsetý úshin nemeresine qyzylshaǵa qarsy vaksına saldyrdy, dep habarlaıdy Egemen.kz.
«Jalpy, halyq tarapynan senim bar. 10 aıdyń ishinde josparly vaksınasııalaýǵa kelmegenderdiń paıyzy az, 10 paıyz ǵana. Olar shyndyǵyna kelgende antıvakserler dep atalatyn keıbir sarapshylarǵa qulaq asatyn adamdar. Dinı nanym-senimine baılanysty bas tartatyn adamdar da kezdesedi», dep túsindirdi Ajar Ǵınııat.
Sondyqtan negizinen jas balalar zardap shegetinin eskere otyryp, Densaýlyq saqtaý mınıstrligi aýqymdy aqparattyq jumystardy júrgize bastady.
«Vaksına qaýipsiz jáne tıimdi. Men muny dáleldeý úshin 5 jasar nemeremdi emhanaǵa ákelip, ekpe saldyrdym», dep qosty mınıstr.