Skandınavııa túbeginde shymyldyǵy túrilgen gandboldan áıelder arasyndaǵy álem chempıonatynyń tusaýkeser kezdesýin jerlesterimiz Ispanııa quramasyna qarsy ótkizdi.
London Olımpıadasynda qola medal alyp, álem (2011 jyly – qola, 2019 jyly – kúmis) jáne Eýropa chempıonatynda (2018, 2014 jyldary – kúmis) eki retten júldegerler qatarynan kóringen azýly komandaǵa bizdiń qyzdar laıyqty qarsylyq kórsete almady. Bul báseke Pıreneı túbeginen kelgen burymdylardyń aıqyn basymdyǵymen aıaqtaldy. Esep – 34:17. Ispanııanyń qol doby sheberleri jerlesterimizden barlyq jaǵynan basym túskenin moıyndamasqa laj joq. Olar bizge qaraǵanda jyldam, epti, shapshań qımyldap, tehnıkalyq jáne fızıkalyq turǵydan da áldeqaıda myqty ekenin kórsetti. Mine, osyndaı artyqshylyqtarynyń arqasynda ıspandyqtar bul básekede Qazaqstandy esh qınalmaı utty.
Búgin qyzdarymyz Brazılııaǵa qarsy oınaıdy. Al 3 jeltoqsanda Ýkraınamen sheberlik baıqasady.