Qazaqstannyń áýejaılarynda halyqaralyq reıske qujatsyz otyrýǵa múmkindik beretin arnaıy júıe engiziledi, dep habarlaıdy Egemen.kz.
Qazaqstan.TV arnasynyń jazýynsha, bul týraly IKAO Halyqaralyq azamattyq avıasııa uıymynyń qoldaýymen Almatyda ótip jatqan aımaqtyq sımpozıýmda aıtyldy. Jıynda jolaýshylardy bet-álpeti arqyly sáıkestendirý baǵdarlamasynyń artyqshylyqtary talqylandy. Bul olardyń ýaqytyn únemdeýge múmkindik bermek. Iаǵnı, jolaýshyǵa tirkeý jáne shekaralyq baqylaý pýnktterine barýdyń qajeti bolmaıdy. Tek arnaıy arkadan ótse boldy. Onda adamnyń betine skaner jasalyp, barlyq aqparat arnaıy baza arqyly shyǵyp turady. Jobany iske qosý úshin aldymen azamattardyń bıometrııalyq málimetterine qol jetkizý kerek. Ol úshin shekara, keden qyzmeti jáne avıakompanııalardy bir júıege toǵystyrý kerek.
«Bul júıege álemniń 166 eli qyzyǵýshylyq tanytty. Tipti, qazirdiń ózinde ony engizip jatqandar bar. Qazaqstan da solardyń qatarynda. Jolaýshylardy sáıkestendirý baǵdarlamasynyń arqasynda jolaýshylar aǵymy birneshe ese artýy múmkin. Týrıster sany da kóbeıip jatsa tańǵalmaımyz», deıdi Avıasııalyq ákimshiliktiń bas dırektory Katalın RadýSonymen qatar bul júıe jolaýshylardyń da ýaqytyn únemdemek.
«27-28 qarasha kúnderi bet-álpetti sáıkestendirý arqyly testileýden ótkizip kórdik. Jolaýshynyń ótý ýaqyty únemdeledi eken. Buryn qujatty tekserý 13 sekýndta ótetin bolsa, keshe biz bir adamnyń 5 sekýndta ótkenin baıqadyq. 10 mınýttyń ishinde 240 adamnyń ótip shyǵýyna múmkindik berip otyr», deıdi «Nazarbaev halyqaralyq áýejaıy» AQ basqarma tóraǵasy Erǵazy Joldasov.