Búgingi sýretshi týyndysy qansha turady?

Almatydaǵy «Jusan vibe» alańynda ótip jatqan jár­meńkede elimizdiń óńirlerinen, Qyrǵyzstan, О́zbekstannan kelgen 10 galereıa biriktirilip, óz qabyrǵalaryna 30-ǵa jýy­q zamanaýı sýretshiniń ju­­­mystaryn qoıdy. Shyn má­ninde, óner ıesine óz ju­mys­taryn satý ońaı emes, abza­ly onyń saýdasyn art-gale­reıalarǵa berý.

Sýret jármeńkesinde shyn­­­dyǵynda uıymdastyrý­shylardyń ózderi de kútpegen oqıǵalar oryn aldy. Alǵashqy úsh kúnde satylymǵa shy­ǵa­ryl­ǵan jumystardyń 25%-y ótip ketse, Qaraǵan­dy­dan kel­­gen «Altyn ǵasyr» men tash­­­kenttik «Hlmrdv Gallery» gale­­reıalarynyń kartınalary kolleksıonerlerdi arbady. Bular Evgenııa Kazakova, Petr Kıshkıs, Fanııa Islamova, Temýr Sherdemetov pen Sa­lamat Babadjanovtardyń kartınalary bolatyn. «Jármeńke dál osyndaı nátıje beredi dep kútpegen edik. Bul – bizdiń tabys ákelgen eń alǵashqy tájirıbemiz. Birinshi kúni bizdiń kartınalar qoıylǵan qabyrǵa aınalasynda art-sarapshylar men kádimgi kórermender ara­synda kádimgideı pikir­ta­las júrdi. Keıbireýler bu­ryn mundaı sýretterdi kez­des­tir­megenin, tosyn jańa­lyq ekenin aıtyp jatty. Jár­meń­kege ákelgen sýretterdi Los-Andjelesten kelgen kýrator, eýropalyq, túrkııalyq jáne jergilikti kolleksıonerler satyp aldy», deıdi «Altyn ǵasyr» galereıasynyń ókilderi.

Rasynda da, jergilikti art-naryqta kásibı jármeń­keniń paıda bolýy – óner na­ryǵynyń qalyptasýy men damýynyń mańyzdy nyshany ǵana emes, art-týrızm úshin de tartymdy oqıǵa. О́ıtkeni Ortalyq Azııa óneri búginde álemdegi jetekshi ınstıtýttardy, galereıalar men iri kolleksıonerlerdi qyzyq­tyryp otyr. Onyń aıǵaǵy 2023 jyly Qazaq­stannyń kommersııalyq galereıalary «Volta Basel» (Shveısarııa), «Art Dubai» (BAÁ), «Contemporary Is­tan­bul» (Túrkııa), «Asia Now» (Fransııa), «Bazaar Ber­lin» (Ger­manııa) syndy bir­neshe iri halyqaralyq jármeńkege

qa­tysqan. «Bizdiń aımaqta nebir talantty avtorlar bar. Biz osyndaı qylqalam sheber­lerin óner keńistiginde tanystyra otyryp, zamanaýı naryq qalyptastyrý qajettigin kórip otyrmyz», deıdi joba kýratory Olıa Veselova.

Jergilikti jármeńkeniń ashylýy únemi jańa ataýlar men jańa óner tájirıbelerin izdeıtin óner dılerlerin qy­zyqtyrady. «Bıyl sýret­shi­­lerimizdi ártúrli halyq­ara­lyq kórmelerge shyǵara al­ǵanymyzdy úlken jetistik dep sa­naımyz. Búgin «Ala Art Fair-de» biz «Sontemporary Istanbul» jáne «Asia Now» jár­meńkelerinde kezdesken qonaq­tarmen qaýysh­saq, olar da Qa­zaqstannyń óneri, máde­nıe­timen tanysady», deı­di «Kazakh Tourism» UK» AQ krea­tıvti týrızm depar­ta­mentiniń dırektory Irına Harıtonova.

Qoryta aıtqanda, halyq­aralyq jármeńke Ortalyq Azııanyń art-naryǵy týraly kásibı jıynǵa ulasty. Art-konferensııada mamandar túrli taqyrypta pikir almasty. Al zamanaýı talantty sýretshilerdiń kartınalary 70$ bastap 7000-8000$ deıin baǵalandy. Talaı jumys sýret kolleksıonerleriniń qyzy­ǵýshylyǵyn týǵyzdy.

ALMATY