Shymkenttik arý Aısulý Muhıt bokstan álem chempıony atandy. Osy sport túrinen Armenııa astanasy Erevanda uıymdastyrylǵan jasóspirimder arasyndaǵy chempıonatta qazaq qyzy altyn medal ıelendi. 66 kg salmaq dárejesinde baq synaǵan sportshymyz aqtyq aıqasta rýmynııalyq Amalııa Týgýıany 3:2 esebimen jeńip shyqty.
Boksshy qyz Shymkenttegi №52 mektep-lıseıindegi 9-synypta bilim alady. Ustazdarynyń aıtýynsha, onyń mekteptegi oqýy úzdik ári qoǵamdyq is-sharalar men boks, júgirý, jeńil atletıka syndy ártúrli sporttyq úıirmelerge belsene qatysady. Aısulý Muhıttyń buǵan deıin jetken jetistikteri de az emes. Ol – Qazaqstan chempıony, halyqaralyq jarystardyń jeńimpazy, qarasha aıynda Astana qalasynda ótken Azııa chempıonatynyń qola júldegeri.
Bul – jasóspirim qyzdar arasyndaǵy álem birinshiliginde Qazaqstan ulttyq quramasynyń úshinshi altyn júldesi. Osyǵan deıin Aıajan Sadyq (54 kg) pen Tolǵanaı Qasymhan (60 kg) júldeli orynǵa ıe boldy.
Jalpy, Erevandaǵy sportshy qyzdardyń chempıon atanýy elimizdiń boks tarıhyndaǵy eleýli oqıǵa deýge negiz bar. Sondaı-aq Armenııa tórinde ótken álem birinshiliginde taǵy shymkenttik óren Nurasyl Tólebektiń de baǵy jandy. Ol da baıraqty básekede altyn medal enshiledi. Jerlesimiz 52 kg salmaqta judyryqtasyp, tuǵyry bıik jeńis jolynda 4 qarsylasyn aıqyn basymdyqpen jeńdi. Jańa álem chempıony Nurasyl Tólebek Shymkent qalasynyń Boks klýbynda daıyndalady. Jattyqtyrýshy Dýman Baıtelıevtiń shákirti.
Qysqasy, 58 memleketten 357 bylǵary qolǵap sheberi júldege talasqan dúbirli dodada el namysyn qorǵaýǵa Shymkent qalasynan 3 sportshy qatysty.
ShYMKENT