Shaǵyn kásipkerlikti damytý maqsatynda, jumys oryndaryn arttyrý baǵytynda elimizde ulttyq joba júzege asyrylyp keledi. 2021-2025 jyldarǵa arnalǵan Ulttyq jobanyń tıimdiligi týraly Eńbek jáne halyqty áleýmettik qorǵaý mınıstrligi málim etti, dep habarlaıdy Egemen.kz.
1 jeltoqsandaǵy jaǵdaımen saralaǵanda ulttyq jobaǵa 686,2 myń adam qatysqan. 488,2 myń adam jumysqa ornalasty, onyń 292,3 myńy turaqty jumyspen qamtylǵan.
«Sýbsıdııalanatyn jumys oryndaryna 195,9 myń adam ornalastyryldy. Onyń ishinde áleýmettik jumys oryndarymen 17,3 myń adam, jastar praktıkasymen 32,9 myń adam, qoǵamdyq jumystarmen 120,6 myń adam, «Alǵashqy jumys orny» jobasy aıasynda 9,5 myń adam, «Urpaqtar kelisimsharty» jobasy aıasynda 485 adam, «Kúmis jas» jobasy aıasynda 15,1 myń adam jumyspen qamtyldy.
Eńbek naryǵynda suranysqa ıe daǵdylar boıynsha onlaın oqytýmen 45,1 myń jumyssyz qamtyldy, onyń ishinde 41,2 myńy oqýdy aıaqtady.
Sondaı-aq «Bastaý Bıznes» jobasy boıynsha kásipkerlik negizderine oqytýmen 131,9 myń adam qamtyldy, onyń ishinde 98,3 myń adam oqýdy aıaqtap, sertıfıkattar aldy. Qyzmet salasyn tańdaý maqsatynda 134,1 myń adam áleýmettik kásiptik baǵdarlaýdan ótti», delingen aqparatta.
Kásipkerlikti damytý jónindegi Ulttyq joba aıasynda 1 mıllıon 380 myń teńge kólemindegi grant bólý de qarqyndy júrgizilgen. Bıylǵy jylǵa 9 myń grant bólý kózdelse, 11 aıdyń ishinde bıznes-bastamalaryn iske asyrý úshin 9102 grant berilgen.