Bul týraly Astana qalasy bilim basqarmasynyń baspasóz qyzmeti habarlady, dep jazady Egemen.kz.
«2023 jylǵy 12 jeltoqsan kúni aýa raıynyń qolaısyzdyǵyna baılanysty ekinshi aýysymnyń 0-11 synyp oqýshylary, kolledjderde 1-2 kýrs (9-synyptan keıin túsken) stýdentteri qashyqtan oqytý formatyna aýystyrylady», dep jazylǵan habarlamada.
Sınoptıkterdiń málimetinshe, 12-13 jeltoqsanda túnde aýa temperatýrasy soltústik-batysta jáne ortalyqta 25 - 38 aıaz, soltústikte 30 - 38 aıaz, eldiń qıyr soltústigi men soltústik-batysynda 40 - 44 aıaz, respýblıkanyń shyǵysynda 20 - 38 aıaz, 14 jeltoqsanda 32-38, jekelegen aýdandarda 40-42 aıaz, ońtústikte jáne ońtústik-shyǵysta 25-30 aıazǵa deıin, taýly aýdandarda 33-38-ge deıin aıaz bolady.