Sońǵy málimetterge sáıkes «Evrazııa» saqtandyrý kompanııasy Túrkııanyń ońtústik shyǵysynda oryn alǵan alapat jer silkinisinen zardap shekkenderge halyqaralyq múlikti qaıta saqtandyrý baǵdarlamasy boıynsha kezekti 2,4 mln eýro nemese 1,2 mlrd teńge tólem jasaǵan. Osylaısha, otandyq saqtandyrý kompanııasynyń jalpy tólem somasy 13 mln eýro nemese 6,4 mlrd teńgege jetti. «Evrazııa» SQ – Túrkııadaǵy jer silkinisinen keıin saqtandyrý tólemin júzege asyrýǵa shyqqan Qazaqstandaǵy jalǵyz kompanııa ekendigin bóle-jaryp aıta ketken jón.
Túrkııada (TCIP) páter men jeke úıdi – turǵyn úıdi mindetti saqtandyrý baǵdarlamasy bar ekendigin, onyń sharttary boıynsha Túrkııadaǵy kez kelgen múlik ıesi jyl saıyn saqtandyrý jarnasyn tólep turýǵa mindetti ekenin aıta ketý kerek. Mundaı saqtandyrýdyń quny jyl saıyn orta eseppen shamamen 300 túrik lırasy (10 dollardan kópteý) turady. Degenmen úı ıeleriniń 50%-y ǵana saqtandyrý jarnasyn turaqty tólep kelgen.
Mindetti saqtandyrý baǵdarlamasyn basqarý úshin Túrkııada Türk Reasürans arnaıy memlekettik kompanııasy qurylǵan. Dúnıe júzi boıynsha saqtandyrý kompanııalary, sondaı-aq «Evrazııa» SK TCIP qaıta saqtandyrý baǵdarlamasyna qatysady. Osy baǵdarlama boıynsha anyqtalǵan shyǵyn kólemi 2 mıllıard dollardan asqan. Túrkııa saqtandyrý kompanııalarynan saqtandyrý tólemine alǵashqy ótinishter halyqaralyq saqtandyrýshylarǵa zilzaladan keıin bir aıdan keıin – naýryz aıynda kelip túsken bolatyn.
«Túrik jer silkinisi – túrik halqyna uzaq jyldarǵa tereń jara qaldyrǵan úlken qaıǵy. Apattan keıin toǵyz aı ótse de, bizdegi saqtandyrý tólemderine ótinishter jalǵasyp jatyr. Biz óz mindetimizdi oryndaý úshin jáne túrik halqyn qoldaý úshin sońǵy lıraǵa deıin tólem jasaýdy toqtatpaımyz», deıdi «Evrazııa» SK basqarma tóraǵasynyń birinshi orynbasary Samat Qabdolov.
Esterińizge sala keteıik, bıylǵy aqpan aıynyń basynda Túrkııanyń ońtústik-shyǵysynda on bir provınsııa zilzaladan zardap shekken. SK Qazaqstandaǵy halyqaralyq qaıta saqtandyrý boıynsha kiris jalpy 74,3 mlrd teńgeden astam nemese 160 mln dollarǵa jýyq soma jalpy syıaqylardyń 81,1%-dy quraıdy. Apattan 50 myńnan astam adam qaıtys bolyp, 100 myńnan astam adam jaraqat aldy. Túrik saqtandyrý kompanııalaryna TCIP baǵdarlamasy men erikti saqtandyrý boıynsha saqtandyrý tólemin alý úshin jarty mıllıonnan astam ótinish kelip túsken.
Túrkııa úkimeti jer silkinisinen bolǵan shyǵyn kólemin IJО́-niń shamamen 9%-yn quraıtyn 103 mlrd dollarǵa baǵalady. Degenmen Munich Re saqtandyrý kompanııasynyń esepteýinshe zardap shekkenderdiń shyǵyny 43 mlrd dollardy quraıdy nemese zardap kólemin 39% jabatyn jáne aýdannyń ekonomıkalyq qaıta qalpyna kelýge kómektesedi.
«Evrazııa» SK álem boıynsha shyǵyny mıllıondardan asatyn apattyq jer silkinisi, daýyl sııaqty apattardy halyqaralyq qaıta saqtandyrý salasynda kóp jylǵy tájirıbesi bar.
Sonymen 2023 jyldyń on aıynyń qorytyndysyna kóz salsaq, «Evrazııa» saqtandyrý kompanııasynyń Qazaqstandaǵy halyqaralyq qaıta saqtandyrý boıynsha kirisi 74,3 mlrd teńgeden asqanyn nemese 160 mln dollarǵa jetken. Iаǵnı shetelden qaıta saqtandyrý boıynsha naryqta barlyǵy 74,3 mlrd teńge jınalsa, onyń 81,1%-y «Evrazııa» SK-nyń úlesine tıdi.