«Qazaqstan: turaqty damý modeline qaraı». Dál osyndaı ataýmen jas sarapshylar taldaý materıaldarynyń jınaǵy elektrondy nusqada jaryq kórdi. Jınaqqa oqyrman erkin qol jetkize alady.
Basylymdy Senat janyndaǵy Jas sarapshylar klýbynyń músheleri «Taldaý mektebi» jobasyna qatysýshylarymen birge daıyndaǵan bolatyn. Basylym materıaldary sarapshylardyń elimiz Prezıdentiniń keshendi reformalaryn iske asyrýdyń tıimdi joldary men tetikterin oılasýǵa qosqan úlesiniń birlesken alǵashqy qadamy.
Jınaqtyń tusaýkeseri bıyl 21 qarashada Senat tóraǵasy Máýlen Áshimbaevtyń qatysýymen ótkenin eske sala ketken jón.
«Memlekettik basqarý júıesiniń tıimdiligin arttyrý úshin memlekettik organdar qyzmetinde taldaý júrgizý baǵytyn kúsheıtý qajet. Prezıdentimiz Qasym-Jomart Toqaev osy máselege árdaıym basa mán berip keledi. Memleket basshysy Ulttyq quryltaıdyń ekinshi otyrysynda memlekettik basqarýdyń tıimdiligi negizinen taldaýmen qamtamasyz etýdiń sapasyna baılanysty ekenin aıtty», dep atap ótti Senat tóraǵasy tusaýkeser barysynda.
Basylymda elimizdiń ınflıasııalyq, óńirlik ekonomıkalyq saıasatynyń ártúrli aspektisine, tranzıt-kólik áleýeti salasyna, bilim berý problemasyn sheshýdegi bıznestiń róline, jastar saıasatyn iske asyrý máselesine, sondaı-aq múgedektigi bar adamdardy ınklıýzııalyq damytýǵa jáne jumysqa ornalastyrýǵa qatysty Qazaqstannyń áleýmettik-ekonomıkalyq órkendeýiniń alty baǵyty boıynsha materıaldar qamtylǵan.
Jınaqta sheshim qabyldaýshylardyń, zertteýshilerdiń jáne Qazaqstannyń áleýmettik-ekonomıkalyq damýynyń zamanaýı aǵymdaryna qyzyǵýshylyq tanytqandardyń jumysynda paıdaly bolatyn qazirgi ahýalǵa taldaý, usynymdar men quraldar usynylǵan.