Búginnen bastap IIM ekologııalyq quqyq buzýshylyqtardy anyqtaýǵa jáne jolyn kesýge baǵyttalǵan «Shyrsha» aksııasyn bastady. Aksııa sheńberinde tabıǵatty qorǵaý polısııasy qyzmetkerleri orman alqaptary boıynsha reıdter júrgizedi, oǵan orman sharýashylyǵy jáne janýarlar dúnıesi ınspeksııasy ókilderi de qatysady, dep habarlaıdy Egemen.kz mınıstrliktiń baspasóz qyzmetine silteme jasap.
Aǵashtar men butalardy zańsyz keskeni úshin ákimshilik jáne qylmystyq jaýapkershilik qarastyrylǵan, tabıǵat qorǵaý zańnamasyn buzǵany úshin 50 AEK-ten 150 AEK-ke deıin aıyppul salynady.
«Eger quqyqqa qaıshy árekettermen eleýli zalal keltirilse, onda bul jaǵdaıda 160 AEK-ten 10 jylǵa deıin bas bostandyǵynan aıyrý jazasy qarastyrylǵan. Sondaı-aq shyrshalardy nemese basqa qylqan japyraqty aǵashtardy zańsyz satýdyń nemese tasymaldaýdyń kýási bolsańyz, tártip saqshylary bul týraly «102» telefony arqyly habarlaýdy suraıdy», delingen habarlamada.