Jambyldyq qutqarýshylar Qordaı aýdanynda avarııalyq-qutqarý jumystaryn júrgizýge kómek kórsetip, kúsh qosý úshin Qyrǵyzstan Respýblıkasynan kelgen áriptesterin shyǵaryp saldy, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
Kórshi elden 8 birlik tehnıka men 42 adamnan turatyn kúshter men quraldar kómek kórsetýge kelgen edi.
Qyrǵyzstan Respýblıkasy TJM bólimsheleri eski Qordaı asýynda qar qursaýynan 16 adamdy qutqaryp, 2 júk jáne 3 jeńil avtokólikti shyǵardy.
Qyrǵyz eliniń qutqarýshylaryna Jambyl oblysy Qordaı aýdanynyń aýmaǵynda avarııalyq-qutqarý jumystaryn júrgizgeni úshin alǵys hattar tabystaldy.