«Qazaqmys» kompanııasynyń resmı saıty taǵy bir qaıǵyly oqıǵa týraly habarlady. 26 jeltoqsan kúni saǵat 18:30 shamasynda «Jylandy» kenishinde 31 jastaǵy mashınıst qaza tapty, dep jazady Egemen.kz.
О́ndiristegi oqys oqıǵa Ulytaý oblysyndaǵy «Jylandy» kenishinde bolǵan.
«Saǵat 18.30-da shahta ýchaskeleriniń biri – «Shyǵys Sary-Obada» ózdigimen júretin jerasty mashınasy óndiristik qozǵalys barysynda 1992 jyly týǵan mashınıstti abaısyzda basyp ketti. Saldarynan jumysshy ólimge alyp kelgen aýyr jaraqattar aldy.
Arnaıy komıssııa jazataıym oqıǵanyń mán-jaıy men sebebin anyqtap jatyr.
«Qazaqmys» kompanııasynyń basshylyǵy men eńbek ujymy qaza bolǵan jumysshynyń týystary men jaqyndaryna kóńil aıtady», delingen kompanııa habarlamasynda.