Qýattaǵysh symdy telefonsyz tok kózinde qaldyrmańyz. Sebebi uıaly telefondy qýattaý quraly kútý rejıminde de boıyna elektr qýatyn tartýdy toqtatpaıdy, dep jazady Egemen.kz.
Qýattaǵyshty tok kózinen ajyratpaý saldarynan adam ómirine qaýipti 3 jaǵdaı týyndaýy múmkin:
Qýattaǵyshtyń ishinde kútý rejıminde de elektr qýatyn tartýdy jalǵastyratyn komponent bar. Bul kezde energııany tartý kúshi az bolsa da, qýat kelý kerneýi toqtamaıdy. Qýattaǵysh telefonsyz birshama ýaqyt tok kózinde qalyp ketse ishki symdary qyzyp, kondensator sııaqty ishki komponentteri tez tozyp ketedi. Tok kózinde turǵan qýattaǵyshta kerneý kenet ózgere qalsa shekten tys qyzyp, ózdiginen tútindep, sońy órtke ulasýy múmkin. Qýattaǵyshty telefonsyz tok kózinde qaldyrý, ásirese, kishkentaı balalary men úı janýarlary bar otbasy úshin tym qaýipti. Sebebi birinshi pýnktte eskertilgendeı, qýattaýshy quralda elektr kerneýi kenet qyzǵan kezde bala ne janýar jaqyndaı qalsa tok soǵý qaýpi bar.