Qańtar oqıǵasynyń hronologııalyq málimetteri men aqıqatyn aıqyndap bergen derekti fılm jaryqqa shyqty. Elimizdegi telearnalar 2022 jylǵy qańtardaǵy qaıǵyly oqıǵalar týraly jańa derekti fılmdi kórsetti. Fılmde ár kún men ár saǵat negizinde Qazaqstandaǵy qalalardyń kóshelerinde oqıǵalardyń qalaı órbigeni, daǵdarys qalaı eńserilgeni týraly negizgi sheshimderdiń qalaı jáne qashan qabyldanǵany kórsetilgen, dep jazady Egemen.kz Aqparat jáne mádenıet mınıstrliginiń baspasóz qyzmetine silteme jasap.
Jańa derekti fılmde qańtar tragedııasy oqıǵalarynyń eksklıýzıvti qujattary, foto jáne beınematerıaldary kórsetilgen. Kórermenderge 2022 jyldyń qańtarynda bolǵan oqıǵanyń tolyq beınesi usynyldy.
Derekti fılmde eldiń 11 óńirinde mıtıngiler uıymdastyrylǵany kórsetilgen. Sonymen qatar osy aýdandar men qalalarda beıbit áleýmettik narazylyqtar memlekettik bılikti qulatý úshin ekstremıstik talaptarmen jappaı buzaqylyqtarǵa ulasty. Qastandyq jasaýshylardyń basty áreketi janjaldy qozdyrýǵa baǵyttalǵan edi.
Derekti fılm qaskóıler boljamdaǵan ssenarıı boıynsha oqıǵalardyń 4 tolqynyn kórsetedi:
1-tolqyn. Beıbit mıtıngiler.
1-3 qańtarda beıbit mıtıngiler ótti (eldiń birqatar óńirinde).
Maqsaty – arandatýshylar men sodyrlardy kópshilik arasyna engizý úshin halyqty kóshege shyǵarý.
2-tolqyn. Tártipsizdikter, qıratý, órteý.
4-5 qańtarda iske asyryldy (ishinara birqatar óńirde, tolyǵymen Almatyda).
Maqsaty – haos pen tártipsizdik atmosferasyn qurý, tonaýdy uıymdastyrý, qarý-jaraq dúkenderin basyp alý, órtengen kólikterden barrıkadalar jasaý.
3-tolqyn. Ǵımarattardy basyp alý: ákimshilik, kúshtik qurylymdar, BAQ, kólik (áýejaı) jáne aqparattyq (BAQ, televyshka) kommýnıkasııalar. Kepilge alý, bılik ókilderine qatysty qoǵamdyq zorlyq-zombylyq.
5-6 qańtarda iske asyryldy (ishinara Almatyda).
Maqsaty – halyq arasynda qorqynysh pen dúrbeleń, úreı týǵyzý, zańdy bıliktiń dármensizdigin kórsetý. Sonymen birge ákimdikterge, polısııaǵa, BAQ-qa, áýejaılarǵa jáne t.b. sımvolıkalyq túrde baqylaý ózderinde ekenin kórsetý.
4-tolqyn. Sırııalyq ssenarıı.
Iske asyrylǵan joq.
«Uıyqtap jatqan» radıkaldy jasaqtardyń kóterilýi. Sheteldik sodyrlardy tartý. Maqsaty – el boıynsha jekelegen bandıttik jáne terrorıstik anklavtar qurý. Jekelegen aımaqtarda bılikti basyp alý.
Qantar búkil eldi dúr silkindirdi, bul kezeń bılikti basyp alý maqsatynda aýqymdy memlekettik tóńkeristiń aldyn-ala muqııat josparlanǵan áreketi retinde tarıhqa endi.