Bilim berýdegi ózgeristerdiń 1000 kóshbasshysy jobasy boıynsha jańa formattaǵy menedjerlerdiń birinshi quramy jasaqtaldy, dep habarlaıdy Egemen.kz Oqý-aǵartý mınıstrliginiń baspasóz qyzmetine silteme jasap.
«Jańa ózgeristerdiń 1000 kóshbasshysy» jobasy sheńberinde respýblıkalyq kadr rezervine qabyldanǵan kandıdattardyń tizimi bekitildi. Oǵan bilim berý uıymdarynyń basshylary laýazymynan úmitker 208 adam kirdi. Bul týraly Oqý-aǵartý mınıstrliginiń baspasóz qyzmeti habarlady. Memleket basshysynyń tapsyrmasy boıynsha Oqý-aǵartý mınıstrligi 2023 jyldan bastap prezıdenttik Jastar kadrlyq rezerviniń úlgisi boıynsha bilim berýdegi ózgerister kóshbasshylaryn irikteý jáne daıarlaý tetigin ázirleý jáne bekitý jónindegi jobany iske asyryp keledi. Bastapqy kezeńde barlyǵy 8068 ótinim tústi. Úmitkerler quzyrettilikterin baǵalaý úshin testileýden ótti. Ekinshi kezeńde – úsh deńgeıli oqytý, úshinshi kezeńde – eldiń jetekshi mektepterinde taǵylymdamadan ótý, tórtinshi kezeńde – qorytyndy baǵalaý jáne qorytyndy kezeńde – mınıstrlik janyndaǵy komıssııamen áńgimelesý boldy. Barlyq bes kezeńniń qorytyndysy boıynsha respýblıkalyq kadr rezervine 208 kandıdat ótti. Irikteýdiń barlyq kezeńderinen ótkenderge sertıfıkat beriledi. Onyń negizinde úmitkerler konkýrstyq rásimderden ótpeı-aq birinshi basshynyń bos ornyna taǵaıyndalady. Sondaı-aq barlyq kezeńnen sátti ótken jáne sertıfıkat alǵandarǵa «Jetekshi-kóshbasshy» biliktilik sanaty beriledi», delingen aqparatta.
Irikteýden ótken menedjerler «Jaıly mektep» ulttyq jobasymen salynyp jatqan mektepterde kadr tapshylyǵyn sheshýge septigin tıgizbek. Bul joba bıyl da jalǵasyn taýyp, kez kelgen pedagog qatysýyna bolady.