Elordanyń kommýnaldyq qyzmetkerleri táýlik boıy kúsheıtilgen rejımde jumys istep jatyr. Kúndizgi aýysymda kóshelerdiń qaryn tazartýǵa 1700-den astam arnaıy tehnıka men 2500-ge jýyq jol jumysshy shyqty, dep habarlaıdy Egemen.kz elorda ákimdiginiń resmı saıtyna silteme jasap.
Eń aldymen joldarda keptelis bolmas úshin qozǵalysy óte qarqyndy kósheler tazartylady. Budan soń qarqyndylyǵy ortasha ýchaskeler – alańdar, vokzal mańy aýmaǵy, trotýarlar, áleýmettik nysandarǵa kirme joldar qardan tazartylatyn bolady.
Astanada 7-8 qańtar aralyǵynda 37 myń tekshe metrden astam qar shyǵaryldy, bul 2802 júk reısin quraıdy. Al jalpy qys bastalǵaly beri elordada 1 436 205 tekshe metr qar shyǵarylǵan.
«Qazgıdromet» RMK habarlaýynsha, Astanada 8 qańtar kúni qalyń qar jaýyp, keı ýaqytta boran soǵady. Ońtústik-batystan 9-14, ekpini 15-20 m/s jel soǵady, túnde jáne kúndiz 0-2 gradýs aıaz bolady.