Erkin kúresten Horvatııanyń Zagreb qalasynda ótken halyqaralyq týrnırde jerlesimiz Azamat Dáýletbekov kúmis júldeger atandy, dep habarlaıdy Egemen.kz.
86 kg salmaq dárejesinde synǵa túsken álem chempıonatynyń eki dúrkin júldegeri Azamat Dáýletbekov aldymen Izraıl balýanyn aıqyn basymdyqpen utty, odan keıin úndistandyq qarsylasyn jyqty. Shırek fınalda Ýkraına balýanyn eńserdi. Jartylaı fınalda grýzındi jeńgenimen, altyn medal úshin tartysta tegi daǵystandyq Bolgarııa balýany Magomed Ramazanovqa ese jiberdi.
Zagreb týrnırinde qyzdar da kúreske túsedi. Elimizden bul dodaǵa Azamattan syrt Irına Kazıýlına (65 kg), Elena Shalygına (68 kg) jáne Elmıra Syzdyqova (76 kg) qatysyp, kúshin synamaq.