Shattyq toly mańaıy

Qazirgi tańda Oqýshylar saraıy Túrkistan oblysy men Shymkent shahary oqýshylarynyń bos ýaqytyn tıimdi uıymdastyrý baǵytynda júıeli jumys atqaryp keledi. Mekeme ozyq táji­rı­beli uıym retinde 2017 jyly respýb­lı­kalyq qosym­sha bilim berý sala­sy­nyń «Altyn qory» kita­byna engen. 80 jyldyq tarıhynda daryn­dy­lar ordasy 200 myńnan astam bala men jas­ós­pi­rim­ge qosym­sha bilim bergen, kásibı mashyq qalyp­tastyryp, urpaq tárbıe­siniń kósegesin kógertýge zor yqpalyn tıgizdi. Búgingi tańda qosym­sha bilim berýdiń barlyq der­lik baǵytyn qamtyǵan mekemede 124 úıirme jumys isteıdi. Onda bes myńǵa jýyq bala bilim alyp jatyr. Osylaısha, uıym oqý­shy­lardyń bos ýaqytyn tıimdi uıym­das­tyrýǵa úlken úles qosyp otyr.

Byltyr jyl sońynda Oqý­shy­lar saraıynyń 80 jyldyǵyna oraı «Mereıli mekenge – 80 jyl» atty ǵylymı-tájirıbelik konferen­sııa ótti. Odan bólek mekemeniń foıesinde «Ulttyq qundylyq – uly rýh» taqyrybynda qolóner jáne beıneleý óneri kórmesi, kartıng, avıamodeldeý, gobelen men bylǵary qolóneriniń jumystary tanystyryldy. Kıiz úıde ulttyq taǵamdardan dastarqan jaıylyp, Oqýshylar saraıynyń «Saraı sazy» ulttyq-etnografııalyq ansambli merekelik konsert qoıdy. Kelgen qonaqtar mekeme ishin aralap, túrli baǵyttaǵy úıirmelerge ekskýrsııa jasady. Sondaı-aq «Mereıli mekenge – 80 jyl» atty kitaptyń tusaýkeser rásimi uıymdastyryldy. Is-shara­ǵa qonaqtarmen birge Shym­kent qalasynyń ákimi Ǵabıt Syzdyq­be­kov te arnaıy qatysty.

«Sizder elimizdiń bolashaǵy – jas urpaqqa sapaly bilim men sanaly tárbıe berý jolynda talmaı eńbek etip kelesizder. Oqýshylardyń shyǵarmashylyq qabiletin shyńdap, oı-órisin damytýda jáne olardyń boıyna otanshyldyq, eńbeksúıgishtik, meıirimdilik sekildi izgi qasıetterdi darytýdaǵy eńbekterińiz ushan-teńiz. Tynymsyz izdenisterińiz ben júıeli jumystaryńyzdyń nátıjesinde shymkenttik órender respýblıkalyq, halyqaralyq deń­geıdegi óner, sport jáne bilim saıystarynda úzdikterdiń qata­ry­nan kórinip júr. Sondyqtan ju­mys­taryńyzǵa shyǵarmashylyq tabys tileımin. Shákirtterińiz árqa­shan­ senim­derińizdi aqtap, abyroı bıi­gi­nen­ kórinińizder», dedi qala ákimi.

Sonymen birge ǵylymı-tá­jirı­belik konferensııa barysynda qonaqtar mekeme týra­ly beınebaıandy tamashalady. «Baqytty balalyq bastaýy» tarıhı-jylnamalyq dramasynda Oqýshylar saraıynyń ashylýy týraly, aty ańyzǵa aınalǵan «Aıgólek» halyqtyq balalar bı ansambliniń shyǵarmashylyq ómir joly ja­ıynda, balalar qoǵamdyq uıymynyń jumysy jóninde, sondaı-aq «Shattyq toly mańaıy – Oqýshylar saraıy» atty taqyrypta kórinis sahnalandy. Budan bólek konserttik baǵdarlamada «Aıgólek» halyq­tyq balalar bı ansambli, «Erke­taı» bı ansambli, dástúrli án úıir­meleri, «Altyn ǵasyr», «Baldáýren» vokaldy toptary, II qalalyq «Shymkent daýysy» baıqaýynyń jeńimpazdary óner kórsetti. О́z kezeginde Shym­kent qalasy máslıhatynyń tóraǵa­sy B.Narymbetov, bilim basqar­ma­synyń basshysy N.Shámshıeva, ardager ustazdar J.Kerimbekova, G.Belıaeva, «Aıgólek» ansambliniń túlegi A.Tólembaeva men respýb­lı­kalyq mektepten tys mekemeler­den kelgen qonaqtar ujymǵa izgi tilegin arnady.

Shymkent qalasynyń bilim salasyndaǵy sapany qamtamasyz etý departamenti bas­shy­­synyń mindetin ýaqytsha atqarýshy Murathan Aqberdıev Oqý-aǵartý mınıstri Ǵ.Beısembaevtyń qut­tyqtaý hatyn oqyp berdi. «Urpaq tárbıesi – ulttyń bolashaǵy. Maǵjan Jumabaev aıtqandaı, «Jas bala – jas shybyq. Jas kúninde qalaı ıip tastasań, solaı ósedi». Demek balanyń sanasyna bilim men bilikti, meıirim men qanaǵatty, ózge de adamzat boıyndaǵy asyl qasıetterdi buǵanasy qatpaǵan sátinen bastap sińirý mańyzdy. Tarıhy 1943 jyldan bastaý alatyn Shymkent qalasyndaǵy Oqýshylar saraıy – elimizdegi baıyrǵy mektepten tys mekemelerdiń biri. Búginde tárbıe oshaǵy jyldar boıy qalyptasqan tájirıbeniń nátıjesinde qo­sym­sha bilim berý salasynda aıtar­lyq­taı jetistikke jetip otyr. О́skeleń urpaqty tárbıeleý isin­de­ ulttyq pedagogıka bastaýlaryn nazarǵa alyp, balalardyń boıyna ulttyq salt-dástúr men qundylyqtardy sińirýge úles qosyp kele jatqan Oqýshylar saraıynyń ujymy óziniń maqsatqa baǵyttaýshylyǵy, jasampazdyq qýaty, shyǵarmashylyq izdenisi men joǵary kásibı deńgeıi arqyly qoıylǵan mindetterge qol jetkizýde tek bıikten kórinip keledi» delingen mınıstrdiń quttyqtaý hatynda.

Jalpy, konferensııa baǵdar­la­masynda plenarlyq otyrys, sheberlik synyptary, seksııalyq jumystar uıymdastyryldy. Plenar­lyq otyrysta Oqý­shy­lar saraıynyń dırektory B.Mýstafaev mekemeniń tarıhyna sholý jasap, uıymnyń qurylý, qalyptasý kezeńine, sondaı-aq damý jolyna, jeńisti de jemisti sátterine toqtalyp ótti. О́.Jánibekov atyndaǵy Ońtústik Qazaqstan pedagogıkalyq ýnıversıteti «Psıhologııalyq qoldaý» ortalyǵynyń basshysy, pedagogıka ǵylymdarynyń doktory, professor G.Aıtjanova psıhologııa ǵylymynyń zamanaýı mindetteri týraly, al mekemeniń «Aqsý» saýyqtyrý lageri jóninde Sh.Asylbekova arnaıy baıandama jasady. Is-shara barysynda qosymsha bilim berýdiń túrli baǵytyn qamtyǵan ozyq tájirıbeli úıirme-seksııalarda sheberlik synyptary ótti. Sonymen birge úıir­melerdiń is-tájirıbesi negizinde respýb­lıkalyq «Qosym­sha bilim jáne tárbıe» jýrnalynda jarııa­lan­ǵan maqalalar men ozyq is-tájirıbeler 4 ta­qy­ryp­tyq seksııa jumysynda talqyǵa tústi.

ShYMKENT