Astanadaǵy apellıasııalyq alqa eks-vıse-mınıstr Nurjan Áltaevtyń qatysy bar atyshýly iske qatysty sheshim shyǵardy, dep habarlaıdy Egemen.kz.
Eske salaıyq, burynǵy eńbek jáne halyqty áleýmettik qorǵaý vıse-mınıstri Nurjan Áltaev birneshe ret iri kólemde para alǵany úshin sottaldy. Birinshi satydaǵy sot ony ómir boıyna memlekettik qyzmette jumys isteý quqyǵynan aıyrýmen 10 jylǵa bas bostandyǵynan aıyrdy.
Búgin Astana sotynyń apellıasııalyq ınstansııasy sot úkimin ózgerissiz qaldyryp, jazanyń zańdy túrde kúshine engenin habarlady.
Eske sala keteıik, Antıkor qyzmeti Áltaevty 2023 jyldyń jyldyń 7 maýsymynda asa iri kólemde para alǵany úshin ustady. Keıin departament tergeýdiń egjeı-tegjeıin jarııalady. Tergeýshilerdiń aıtýynsha, ol eńbek jáne halyqty áleýmettik qorǵaý vıse-mınıstri retinde «Atameken» AES basshysynan 135 myń dollar kóleminde para alǵan.