«Astana» fýtbol klýby gvıneıalyq jartylaı qorǵaýshy Ýsman Kamarany qatarǵa qosty. Kelisimshart aldaǵy úsh jyl merzimge jasaldy. Bul jóninde komandanyń baspasóz qyzmeti málim etti.
Ýsman Kamara 1998 jyly 28 jeltoqsanda Gvıneıa astanasy Konakrı qalasynda dúnıege kelgen. Fýtboldyń «álippesin» óz eliniń «Atýga» klýbynda úırense, mansabyn Shvesııanyń «AFK Eskılstýna» klýbynda bastady. Odan keıingi jyldarda Norvegııanyń «Volerenga», Grýzııanyń «Dıla» klýbtarynda dop tepti. 2022-2023 jyldarda Grýzııanyń «Dınamo» (Tbılısı) klýbynyń namysyn qorǵap, 26 gol soǵyp, 19 nátıjeli pas berdi. Komandamen birge el chempıony jáne Grýzııa sýperkýboginiń jeńimpazy atandy.