Qurlyqtyq hokkeı lıgasyndaǵy kezekti oıynyn ótkizgen «Barys» Reseıdiń «Avtomobılıst» (Ekaterınbýrg) komandasyna 2:3 esebimen jol berdi.
Elordalyq komanda pleı-off satysyna shyǵý múmkindigin áli de joǵalta qoıǵan joq. Sondyqtan barystyqtar árbir oıynda jeńiske jetýge bar kúshin salatyny anyq.
«Barystyń» bas bapkeri Oleg Bolıakın elordada ótken kezdesýde qaqpany qorǵaýǵa jerlesimiz Nıkıta Boıarkındi shyǵardy. Ol biraz ýaqyt boıy «Nomad» komandasy sapynda óner kórsetken edi.
Kezdesý barysynda reseılik klýb sapynan Stepan Hrıpýnov 15-mınýtta kózge tústi. Odan keıin komandalardyń esepti ózgertýge birneshe múmkindigi bolǵan. Dese de birinshi kezeńde tablodaǵy esepke ózgeris ene qoıǵan joq.
Oıynnyń 50-mınýtynda elordalyq klýbtan Portýs Oberg tarazy basyn teńestirse, odan keıin reseılik komandadan Kıortıs Valk – 52, Anatolıı Golyshev 56-mınýtta qaqpany dál kózdep, basymdyqty arttyrdy. Al 57-mınýtta «Barys» sapynan Krıstıan Henkel mergendik tanytty, esep – 2:3.
Endi «Barys» aldaǵy eki oıynyn syrt alańda ótkizedi. Aldymen 24 qańtarda Reseıde SKA (Sankt- Peterbýrg) komandasymen kezdesse, odan keıin 26 qańtarda «Lada» (Tolıattı) klýbymen sheberlik baıqasady.