Aldaǵy aqpan aıynan bastap elimizde «Poıyz+ushaq» ıntermodaldy tasymaldaý qanatqaqty jobasy iske qosylady. Bul joba «Jolaýshylar tasymaly» AQ, «SCAT» áýekompanııasy jáne «UvU» kompanııasy ózara yntymaqtastyǵynyń arqasynda júzege asyp otyr.
Jolaýshylarǵa usynylatyn bul qyzmet avtobýs, áýe jáne temirjol bıletterin bir baǵyt boıynsha satyp alýǵa múmkindik beredi. Osylaısha, azamattar ózderine yńǵaıly baǵytty tańdap, bılet izdeýge jumsaıtyn ýaqyttaryn únemdeıdi. Sondaı-aq qyzmet arqyly elimizdiń barlyq qalasy boıynsha saıahattaý múmkindikteri keńeıedi. Qanatqaqty joba (poıyz+ushaq) «Qostanaı-Astana-Shymkent» baǵytynda jáne keri baǵytta synaq túrinde ótkiziledi.
«Qostanaı-Astana-Shymkent»(poıyz+ushaq) baǵyty boıynsha taq kúnderde jol júrý kestesi:
- Qostanaı stansasynan №81 «Qostanaı-Astana» poıyzy Astana qalasyna jóneltiledi;
- «Nurly Jol» vokzalynyń №2 kelý zalynyń shyǵaberisinde transfer Astana qalasynyń halyqaralyq áýejaıyna jóneltiledi;
- Astana áýejaıynan DV 772 «Astana-Shymkent» reısi Shymkent qalasyna ushady.
«Shymkent-Astana-Qostanaı»(ushaq+poıyz) baǵyty boıynsha taq kúnderde jol júrý kestesi:
- Shymkent qalasynyń áýejaıynan DV 771 «Shymkent-Astana» reısi Astanaǵa qonady;
- Astana qalasy áýejaıynyń №2 termınalynyń birinshi turaq jelisinen «Nurly Jol» vokzalyna deıin transfer jóneltiledi;
- «Nurly Jol» stansasynan №47 «Astana-Atyraý» poıyzy Qostanaıǵa jóneltiledi.
Qanatqaqty bul joba 28 aqpanda aıaqtalady.
Jolaýshylar áýe bıletterin scat.kz saıtynan, al temir jol bıletterin bilet.railways.kz saıtynan qaraı alady. Odan bólek, qajetti mekenjaıdy tańdap, uvu.kz/ktz saıty arqyly transferge tapsyrys berýge bolady.