Qaraǵandylyq polıseıler ózge oblystan qala ortalyǵyna kelip, esirtki satpaq bolǵan kúdiktini ustady, dep habarlaıdy Egemen.kz Polisia.kz-ke silteme jasap.
«Qala ortalyǵynan asa iri mólsherde esirtki saqtady degen kúdikpen 25 jastaǵy taldyqorǵandyq azamat ustaldy. Ustalǵan azamatqa júrgizilgen tintý jumystary barysynda odan untaq tárizdi 30 oram zat tárkilendi. Saraptama qorytyndysyna sáıkes tárkilengen zattyń jalpy salmaǵy 22 gramm sıntetıkalyq psıhotroptyq zat ekeni belgili boldy», delingen habarlamada.
Jaýap alý kezinde kúdikti Almaty oblysynyń aýmaǵynda esirtki jáne psıhotroptyq zattardy satýmen aınalysqanyn moıyndaǵan.
Atalǵan derek boıynsha qylmystyq is qozǵaldy. Kúdiktige qatysty qamaýǵa alý bultartpaý sharasy qabyldandy. Qazir tıisti tergeý áreketteri júrip jatyr.