Qarjylyq monıtorıng agenttiginiń Túrkistan oblysy boıynsha departamenti bilim berý salasyndaǵy qarajatty asa iri mólsherde urlaý faktilerin anyqtady, dep habarlaıdy Egemen.kz.
Agenttikten habarlaǵandaı, senip tapsyrylǵan múlikti zańsyz ıemdendi degen kúdikke «Keles aýdanynyń bilim bólimi» MM býhgalterleri ilindi, olar 2021-2023 jyldar aralyǵynda bilim berý mekemesiniń qyzmetkerleriniń kórineý jalǵan málimetterin bazaǵa engizgen.
«Mektep qyzmetkerleriniń kart-shottary men jeke sáıkestendirý nómirleri (JSN) esepshilermen baılanysty azamattardyń JSN-ne aýystyrylǵany anyqtaldy. Qazirgi ýaqytta memleketke keltirilgen zalal 400 mln teńgeden asady», delingen QMA habarlamasynda.
Kórsetilgen faktiler boıynsha sotqa deıingi tergep-tekserý bastaldy jáne kúdikti adamdarǵa qatysty sot qamaýda ustaý túrindegi bultartpaý sharasyna sanksııa berdi.
QR QPK-niń 201-baby tártibindegi ózge de aqparat jarııa etýge jatpaıdy.
QR Konstıtýsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.