Pavlodar qalasynda voleıboldan áıelderdiń Ulttyq lıga komandalary arasynda HHHII Qazaqstan chempıonaty III týrynyń oıyndary jalǵasyp jatyr.
Buǵan deıin osy týrda qatarynan eki ret jeńiske jetken О́skemenniń «Berelin» Talqyqorǵannyń «Jetisý» komandasy toqtatty. Serbııalyq Marko Grshıchtiń shákirtteri 3:1 (22:25, 25:21, 25:20, 27:25) esebimen jeńiske jetip, 31 upaımen besinshi orynǵa turaqtady.
Esesine soltústikqazaqstandyq «Qýanysh» óskemendik «Altaıdy» 3:0 (25:20, 25:19, 25:18) esebimen tize búktirip, 38 upaımen kósh basyna qaıta kóterildi. 37 upaıy bar «Berel» ekinshi orynǵa túsip qaldy. «Aıqarakózdi» (Taldyqorǵan) 3:0 (25:23, 25:16, 25:19) esebimen ońaı utqan «Almaty» 31 upaımen úshinshi orynǵa shyqty.
Sondaı-aq alań ıeleri – Pavlodardyń «Ertisin» 3:0 (25:22, 25:20, 25:11) esebimen jeńgen «Turannyń» (Túrkistan) da 31 upaıy bar. Olar dop aıyrmashylyǵy boıynsha úzdik tórttikke taban tiredi. Keshe ortalyq kezdesý «Berel» men «Turan» arasynda ótti.