Áleýmettik jelide taksı júrgizýshisimen kıkiljińge kelip, kólikti tepkilegen tulǵa jeke paraqshasynda ózin «din qyzmetkeri» dep tanystyrǵan. Múftııat jolaýshy basqarmanyń qyzmet júıesinde jumys istemeıtinin málimdedi, dep jazady Egemen.kz.
Jelide taraǵan vıdeo sońynda Jaqsylyqov Baqtııar óziniń atqaratyn qyzmetterin tizbektegen. Áleýmettik jeli qoldanýshylary ony «ımam» dep baǵamdap jatqanymen, QMDB bul aqparatty joqqa shyǵardy.
«Buqaralyq aqparat quraldary men áleýmettik jelilerde Bahtııar Jaqsylyqov esimdi azamattyń taksı júrgizýshisimen kıkiljińge kelip, dóreki áreket kórsetkeni jáne onyń «ımam» ekeni talqylanýda.Osy oraıda Bahtııar Jaqsylyqovtyń Qazaqstan musylmandary dinı basqarmasynyń qyzmet júıesinde jumys istemeıtinin resmı túrde málimdeımiz. Sondaı-aq buqaralyq aqparat quraldary ókilderi men áleýmettik jeli qoldanýshylarynan anyqtalmaǵan habardy taratpaýyn suraımyz», delingen Qazaqstan musylmandary dinı basqarmasynyń baspasóz qyzmetiniń habarlamasynda.