Qaraǵandy oblysy Shahtınsk qalasynyń ákimshilik quqyq buzýshylyqtar jónindegi mamandandyrylǵan soty IIM Ulttyq ulanynyń 6505 áskerı bóliminiń áskerı qyzmetshisine qatysty ákimshilik quqyq buzýshylyq týraly isti qaraý boıynsha kóshpeli ashyq sot otyrysyn ótkizdi.
Sot otyrysynda T. esimdi sarbazdyń elimizdiń Qarýly kúshteriniń, basqa da áskerleri men áskerı qurylymdarynyń ishki qyzmetiniń Jarǵysyn jáne Otanǵa, halqyna janqııarlyqpen qyzmet etýge ant bergennen keıin óz komandıriniń buıryǵyn oryndaýdan ashyq jáne aıqyn bas tartqany, ıaǵnı Qazaqstan Respýblıkasy ákimshilik quqyq buzýshylyq týraly kodeksiniń 652-babynyń 6-bóliginde kózdelgen quqyq buzýshylyq jasaǵany anyqtaldy.
Bul normanyń sanksııasy balamaly jazalaý sharalaryn – aıyppul nemese qamaýǵa alýdy kózdeıdi, sot ekinshi – qamaýǵa alý jáne gaýptvahtaǵa otyrǵyzý sharasyn qoldanýdy uıǵardy.
Shahtınsk qalasynyń ákimshilik quqyq buzýshylyqtar jónindegi mamandandyrylǵan sotynyń tóraǵasy Jambyl Kárimbaevtiń aıtýynsha, sot T-nyń qyzmet atqarý orny aýyr jáne asa aýyr qylmystar jasaǵan Qazaqstannyń barlyq óńirinen sottalǵandar jazasyn ótep jatqan túzeý mekemesi ekenin eskergen.
Sot úderisi basqalarǵa úlgi bolýy úshin áskerı bólimniń májilis zalynda bólim basshylyǵy jáne jeke quramnyń qatysýymen ótti.