2028 jyly elıtalyq dıvızıondaǵy komandalar arasyndaǵy álem chempıonaty Qazaqstanda ótýi múmkin. Jýyrda otandastarymyz Halyqaralyq shaıbaly hokkeı federasııasyna (IIHF) osyndaı ótinish bildirdi.
Jalpy, jerlesterimiz jer jahannyń myqtylary jınalǵan jarysqa 11 márte qatysty. Eń úzdik nátıjege 2021 jyly qol jetkizdik. Latvııada ótken dúbirli dodada Qazaqstan quramasy 10-orynǵa taban tiredi. Byltyr Fınlıandııa men Latvııada jalaýy jelbiregen jarysta 11-satyǵa turaqtadyq. Bıylǵy álem chempıonaty 10-16 mamyr aralyǵynda Chehııada uıymdastyrylady. Oǵan Qazaqstan quramasy da qatysady. Bizdiń hokkeıshiler toptyq týrnırde AQSh, Germanııa, Polsha, Shvesııa, Slovakııa, Latvııa jáne Fransııaǵa qarsy oınaıdy. Al kelesi chempıonattar Shvesııa men Danııada (2025 jyly), Shveısarııada (2026 jyly) jáne Germanııada (2027 jyly) uıymdastyrylady.
Qazaqstannyń Astana men Almaty qalalarynan bólek, 2028 jyly shymyldyǵy túriletin álem chempıonatyn qabyldaýǵa Germanııa men Norvegııa da resmı túrde ótinish bildirdi. Keıbir derekkózderine sensek, bulardan bólek Fransııa, Ulybrıtanııa, Aýstrııa jáne Reseıdiń de sondaı nıetteri bar kórinedi.