QR Strategııalyq josparlaý jáne reformalar agenttiginiń Ulttyq statıstıka bıýrosy elimizde zergerlik buıymdardyń 4,9%-ǵa qymbattaǵanyn habarlady, dep jazady Egemen.kz.
Statıstıkalyq málimetterge sáıkes, qańtar aıynyń sońynda Qazaqstanda jyldyq mánde zergerlik buıymdar men saǵattar 4,3%-ǵa qymbattady, onyń ishinde altyn neke saqınalary bir jylda 2,9%-ǵa, qol saǵattary 10,1%-ǵa qymbattady.
«Bul rette Qazaqstanda baǵaly zergerlik buıymdar óndirisi qysqardy. 2023 jyldyń qańtar-jeltoqsan aılary aralyǵynda zergerlik buıymdar men uqsas buıymdardy óndirý kólemi 2022 jyldyń sáıkes kezeńimen salystyrǵanda 17,8%-ǵa azaıdy», dep habarlady Ulttyq statıstıka bıýrosynyń baspasóz qyzmeti.
Máselen, 2023 jyldyń 12 aıynda otandyq kompanııalar 1,2 mlrd teńgeniń zergerlik buıymdary men uqsas buıymdaryn óndirdi (2022 jylǵy qańtar-jeltoqsan – 1,4 mlrd teńge).