«Qazgıdromet» RMK mamandary naýryz-mamyr aılaryna arnalǵan aýa raıy boljamyn jarııalady, dep habarlaıdy Egemen.kz.
Qazaqstan aýmaǵy boıynsha 2024 jylǵy kóktem aılaryna arnalǵan maýsymdyq aýa raıy boljamy:
Kóktemniń alǵashqy aıy – naýryzda Qazaqstannyń soltústik oblystarynda qys mezgilindegideı sýyq aýa raıy kútiledi, qar jıi jaýyp, burqasyn bolady. Jer kóktaıǵaq bolyp, tuman túsedi dep boljanady. Aýa temperatýrasy túnde mınýs 15-25°S-qa túsip, aıaz bolady.
Eldiń soltústik, ortalyq jáne shyǵysynda birinshi onkúndikte aýa temperatýrasy kúndiz 2-7°S kórsetip, jylymyq seziledi. Aıdyń úshinshi onkúndiginde aýa temperatýry 5-15°S-qa kóteriledi.
Al Qazaqstannyń ońtústik, ońtústik-batys óńirlerinde naýryzda jaýyn-shashyn (jańbyr, jylbysqy qar) jıi bolady. Aýa temperatýrasy túnde 0,-10°S-tan +3+8°S-qa deıin, kúndiz 0,+10°S-tan +10+18°S-qa deıin kóterilýi baıqalady.
Naýryzda bir aıdaǵy ortasha aýa temperatýrasy Qazaqstan aýmaǵynyń basym bóliginde normaǵa saı, eldiń ońtústik-shyǵys bóliginde normadan 1°S joǵary bolady dep kútilýde. Naýryz aıynda jaýyn-shashyn mólsheri respýblıkanyń basym bóliginde normadan joǵary, Qazaqstannyń ońtústik-batys, soltústik-batys bóliginde normaǵa shamalasady.
Sáýir jáne mamyr aılarynda respýblıkanyń basym bóliginde aýa temperatýrasy normadan 1°S joǵary bolady dep kútilýde, tek mamyrda eldiń soltústik-batys jartysynda temperatýralyq fon normaǵa shamalas bolady dep boljanýda.
Sáýir aıynda respýblıkanyń basym bóliginde jaýyn-shashyn klımattyq normaǵa sáıkes, soltústik-batys aımaǵynda normadan az, eldiń ońtústik, ońtústik-shyǵys, shyǵysynyń taýly aımaqtarda normadan joǵary bolady. Mamyr aıynda respýblıkanyń basym bóliginde jaýyn-shashyn mólsheri normaǵa sáıkes bolady dep boljanyp otyr.