2024 jyldyń basynan beri Qazaqstan boıynsha qolaısyz aýa raıy saqtalyp keledi. Ásirese, aqpan aıy sýyq. «QazAvtoJol» UK» AQ málimetinshe, bıylǵy qysta jaýǵan qar mólsheri normadan eki ese kóp boldy, dep habarlaıdy Egemen.kz.
«Qazgıdromet» RMK baspasóz qyzmeti ósim 2022-2023 jyldardaǵy qysqy kezeńmen salystyrǵanda tirkelgenin túsindirdi.
«Qazaqstannyń soltústik bóliginde qar jamylǵysynyń bıiktigi 50 sm-ge jetedi, al shyǵys jáne ońtústik-shyǵys bóliginde 90 sm-ge jetedi. Qazirgi qystyń ereksheligi de qatty ekpindi jel boldy, ásirese taýly aımaqtarda baıqalady. Al asýlarda ekpini 40-45 m/s jetken», dep habarlady «QazAvtoJol» UK» AQ.Mamandar mundaı qalyptan tys aýa raıy jaǵdaılaryn eskere otyryp, saqtyq sharalaryna erekshe mán berý kerektigin atap ótti.