Hyundai Motor Company prezıdenti Almatydaǵy Hyundai Trans Kazakhstan zaýytynda bolyp, kásiporyndaǵy qazaqstandyq qamtýdy ósirý men ornyn nyǵaıta túsýge qoldaý bildirdi, dep jazady Egemen.kz.
«Astana Motors» basshysy Nurlan Smaǵulov pen Hyundai Motor Company prezıdenti Djehýn Chang kezdesti.
Dúısenbi, 19 aqpan kúni Qazaqstanǵa Hyundai Motor Company prezıdenti ári Jahandyq bas dırektory Djehýn Chang (Jaehoon Chang) bastaǵan koreıalyq avtomobıl ónerkásibi kóshbasshylarynyń delegasııasy keldi. Hyundai basshysy Qazaqstanǵa alǵash ret kelip otyr.
Delegasııa quramynda jahandyq naryq jónindegi operasııalar bóliminiń basshysy Lı Ionho, Qytaıdaǵy bıznes bólimshesiniń basshysy O Ikkıýn, TMD jáne Ortalyq Azııa elderiniń basshysy Lı Ýk pen birge Hyundai Motor Company kompanııasynyń álemdik naryqtaǵy basqa da ókilderi boldy.
Mártebeli delegasııanyń bul sapardaǵymaqsaty – Almatydaǵy Hyundai Trans Kazakhstan(«Astana Motors») zaýytyna baryp, oǵan qosa «Astana Motors» kompanııasynyń negizin qalaǵanNurlan Smaǵulovpen birge zaýyttyń damý keleshegin jan-jaqty talqylaý edi. Kezdesýdiń ózegi – avtokólikterdi qurastyrýda shanaqty dánekerleý jáne boıaý ádisimen shyǵarylatyn avtokólikter sanyn 100%-ǵa birte-birte jetkizý jáne avtobólshekterdi Qazaqstanda shyǵarý úshin jumys istep turǵan zaýyt aıasyn keńeıtý boldy.
«Hyundai brendi 2023 jyly Qazaqstanda tamasha nátıjelerge qol jetkizip, Qazaqstandaǵy jeńil avtokólikterdi óndirý (48 857 birlik) men satýda (46 725 birlik) birinshi orynǵa shyqty.
Qazir Hyundai-dyń Qazaqstandaǵy úlesi jalpy avtomobıl naryǵynyń 24%-yn quraıdy. Osy oraıda, Hyundai Motor Company jáne Djehýn Changtiń ózi qazaqstandyq naryq pen elimizdegi avtomobıl ónerkásibiniń damýyna erekshe kóńil bólip otyr.
Biz osy zaýytty ornyqtyra túsý úshin naqty qadamdardy talqyladyq, avtokólik bólshekterin – oryndyqtardy, plastıkalyq bólshekterdi, mýltımedııalyq júıelerdi shyǵaratyn sehtardyń qurylys alańdaryn araladyq», dedi Nurlan Smaǵulov.
О́z kezeginde Hyundai Motor Company prezıdenti avtomobıl ónerkásibin damytýdajasalyp jatqan ıgi qadamdardy maquldap, Hyundai Trans Kazakhstan zaýyty qysqa merzimde joǵary paıyzdy lokalızasııamen jergilikti úlesti arttyrýǵa kóshýi úshin Astana Motors kompanııasyna jan-jaqty qoldaý kórsetý jóninde naqty tapsyrmalar berdi.
«Biz Qazaqstan men «Astana Motors» kompanııasynyń Qazaqstanda avtomobıl ónerkásibin jáne Hyundai brendin damytý jónindegi áreketin joǵary baǵalaımyz. Biz jýyrdaAlmatydaǵy zaýyttaǵy óndiristi keńeıtý men tereńdetýge kómektesý úshin Hyundai Motor Company kompanııasynyń ınjenerlik tobyn Qazaqstanǵa jiberýdi kózdep otyrmyz», dedi Djehýn Chang.
Jalpy Hyundai Motor Company Qazaqstanda ornalasqan zaýytqa tehnologııalar berip, tájirıbesimen bólisýge daıyn.
Osy arada Hyundai Trans Kazakhstan jeńil kólikter zaýyty 2020 jyldan beri jumys istep kele jatqanyn, 2023 jyly 48 857 kólik shyǵarǵanyn aıta ketý kerek. Zaýyt birte-birte ornyǵyp, jergilikti qamtýdy arttyryp keledi.
Kásiporynnyń jalpy aýmaǵy – 38 myń sharshy metrdi alyp jatyr. Qazirgi tańda óndiris oryndary keńeıtilip, shaǵyn óndiristiń qýattylyǵyn arttyrý men dánekerleý jáne shanaǵy boıalǵan jańa úlgilerdi iske qosý úshin óndiristik sehtardy jańǵyrtýǵa daıyndyq jumystary júrgizilip jatyr.
Al 2024 jyly kásiporynnyń jalpy óndiris kóleminiń dánekerleý jáne syrlaýymen usaqtúıindi óndiriske 25%-y, 2025 jyly – 50%, al 2027 jyly 100% kóshedi.
Qazirgi tańda zaýytta Hyundai-dyń 10 modeli shyǵarylady – i20, i30, Accent, Elantra, Sonata, Bayon, Tucson, Santa Fe, Palisade, Staria. 2023 jyly zaýyt jańartylǵan Elantra men Sonata úlgilerin shyǵara bastady.
Hyundai Trans Kazakhstan zaýyty mashına jasaý salasynda kadrlyq rezervti qalyptastyryp otyrǵanyn da aıta ketken jón. Búgingi tańda kompanııada 1289 adam jumys isteıdi.
Sapar barysynda Hyundai Motor Company delegasııasy jas ınjenerlerdi, sheberler men zaýyt jumysshylaryn bilim jáne tájirıbe almasý úshin Ýlsan qalasyndaǵy (Koreıa Respýblıkasy) zaýytqa shaqyrdy.
2023 jyly Hyundai Trans Kazakhstan zaýyty Qazaqstannyń jetekshi tehnıkalyq oqý orny Satbayev University-men yntymaqtastyq ornatty. Yntymaqtastyqtyń Jol kartasy teorııalyq,tájirıbelik bilim berý baǵdarlamalaryn ázirleýdi, tálimgerlik, dýaldi oqytý júıesin engizýdi, «Astana Motors» bazasynda mashına jasaý kafedrasynyń fılıaly men birlesken ǵylymı-zertteý jáne tájirıbelik-konstrýktorlyq jumystaryn júzege asyrý úshin zertteý-ortalyǵyn qurýdy kózdeıdi.
Hyundai Motor Company ýnıversıtetpenyntymaqtastyǵyn joǵary baǵalap otyr. Sondyqtan «Astana Motors» kompanııasymen birge stýdentterdi oqytyp, avtomobıl ónerkásibi úshin kadrlardy daıyndaýda oqý materıaldaryn, kesilgen úlgilerdi, bólshekter men toraptardyń úlgilerin usynady.
Sol sııaqty avtomobıl zaýytynyń janynan avtomobıl bólshekterin shyǵaratyn kásiporyndar kesheni (tehnopark) salynyp jatyr.
Almatydaǵy tehnopark qurylysyna salynǵan ınvestısııanyń kólemi shamamen 12,4 mlrd teńgeni quraıdy. Kásiporyndardy iske qosý 2024 jyldyń sońyna josparlanǵan. Avtokólik bólshekterin shyǵaratyn úsh kásiporynda 400-den astam maman jumys isteıdi dep josparlanǵan.
Hyundai Motor Company prezıdentiniń osy issapary Qazaqstannyń álemdik avtomobıl ónerkásibiniń mańyzdy qatysýshysyna aınalyp kele jatqanyn aıǵaqtaıdy. Kásiporyndardyń top-menedjerlerine zaýytty ornyqtyra túsýge jáne jergilikti úlesti arttyrý jóninde naqty tapsyrmalar berildi.