Abaı oblysynda polıseıler qatty aıazda adasqan shopandardy jaıaý júrip izdep tapty. 22 aqpanda saǵat 01:24-te «103» arnasynyń operatorynan Jarma aýdanyndaǵy Shabaq qystaýynan shamamen 4 km qashyqtyqta eki er adamnyń kómek suraǵany týraly ótinish kelip túsken, dep habarlaıdy Egemen.kz Polisia.kz-ke silteme jasap.
Eki adam keshkilik ýaqytta qystaqtan Sýyqbulaq aýylyna shyqqan. Jol boıynda traktordyń janarmaıy qatyp qalǵanyn jáne keri qaıtaıyn dese, adasyp ketkenderin ári qatty tońǵandaryn aıtyp, shuǵyl qyzmetterge birneshe ret qońyraý shalǵan. Keıbir jerlerde baılanys bolmaǵan ári telefonnyń qýat kózi de taýsylýǵa shaq qalǵan.
Jarma aýdanynyń ýchaskelik polısııa ınspektorlary dereý kómekke shaqyrylǵan. «Izdeý jumystary ońaı bolmaǵan, óıtkeni adasqandar ózderiniń koordınattaryn bere almady. Polısııa qyzmetkerleri Dastan Imanov pen Erkebulan Samalhan shamamen baǵytty túsinip, traktor dóńgelekteriniń izimen shyqqan jerden adamdardy izdeý týraly sheshim qabyldady. Nıva avtokóligimen dalany aralap júrip, polıseılerdiń ózderi qar qursaýynda qalyp, kólikti tastap, ár mınýt mańyzdy ekenin túsinip, izdeýdi jalǵastyrýǵa sheshim qabyldaǵan. Sol ýaqytta aýa temperatýrasy -39-ǵa deıin jetken. О́z ómirlerin qaterge tigip, úsik shalǵan polıseıler 2 km-den keıin traktorshylardy tapty», delingen habarlamada.