Almatylyq patrýldik polısııa qyzmetkerleri pılottyq nusqada kólik áınekteriniń tonırovkasyn ólsheýge arnalǵan kólikterdiń áınekteriniń tonırovkasy úshin jaryq ótkizgishtik ólshegishin (jol qozǵalysy qaýipsizdigin tehnıkalyq baqylaý quraly) is júzinde qoldanyp júr, dep habarlaıdy Egemen.kz Almaty qalasynyń polısııa departamentiniń baspasóz qyzmetine silteme jasap.
Jol qaýipsizdigine qatysty zańnamalyq talaptardan sál ǵana aýytqýdyń saldary qaıtymsyz apattarǵa ákep soqtyratyny, «jol qatelikti keshirmeıdi» aksıomasy ásirese jol erejesin elemeıtin azamattar úshin ózekti ekeni málim.
«Jol qozǵalysyna beıqam qatysýshylardy anyqtaý maqsatynda polıseıler turaqty túrde jergilikti reıdter jáne maqsatty is-sharalardy ótkizedi. Jol qozǵalysy erejelerin óreskel buzý derekteriniń jolyn kesýge, onyń ishinde áınekterin qarańǵylap alǵan kólikterdi anyqtaýǵa erekshe nazar aýdarylady. Tártip buzýshy dereý plenkany alyp tastaýǵa mindettelip, oǵan qatysty hattama toltyrylady», dedi, JPQB mamandandyrylǵan batalonynyń komandıri Jánibek О́skembaev.