Almaty oblysynda erekshe ınstallıasııa bar. Bul - 1000 fýtbol doby qoıylǵan úlken alań. Joba avtorlary onyń ıdeıasy men ne úshin jasalǵany týraly aıtyp berdi, dep habarlaıdy Egemen.kz.
Installıasııa «Múmkindikke toly fýtbol alańy» dep atalady. Onyń avtory — shaǵyn qalalar men aýyldarda, ıaǵnı balalar tájirıbeli tálimgermen birge sportpen shuǵyldana almaıtyn jerlerde, tegin jattyǵýlar uıymdastyratyn kommersııalyq emes Supernovas balalar jobasy. 1000 doptan turatyn alań osy bir ádiletsizdikke tosqaýyl qoıyp, balalar fýtbolyna nazar aýdartyp, Qazaqstanda batyl ıdeıalardy júzege asyrýǵa bolatynyn dáleldeýge baǵyttalǵan.
«Múmkindikke toly fýtbol alańy — shekaralar joıylyp, jańa bastamalarǵa jol ashatyn jer. Bul úırenshikti nársege jańa qyrynan qarap, myqty ıdeıa qar qatqan alańdy da jaryp shyǵatynyn dáleldeýdiń amaly. Osy tusta bizge 1000 dop kómektese ala ma? Birge kóz jetkizeıik!», delingen beınerolıktiń sıpattamasynda.
Supernovas - 2022 jyldan bastap búkil Qazaqstan aýmaǵynda 9 seksııa ashqan InDrive-tyń halyqaralyq bastamasy. Joba komandasy árbir bala óz áleýetin kórsete alatyn tatý ári demeý bolatyn qaýymdastyqty qurady. Supernovas-tyń basty qundylyqtary: qaýipsizdik, ashyqtyq, pozıtıv, tulǵalyq damý, jaýapkershilik pen komandalyq rýh.
«Supernovas úshin balalar árdaıym birinshi orynda. Biz olardyń bastamalaryn qoldap, talanttaryn damytyp, ózine degen senimdilikti qalyptastyramyz. Bizdiń komandamyz úshin ár bala - juldyz, biz olardyń barlyq jetistigin maqtan tutamyz. Bizdiń bapkerler jaı ǵana jattyqtyrýshylar emes, olar oıyn tehnıkasymen qatar, ómirlik keńesterin de aıtyp otyratyn tálimgerler. Biz bapkerler quramyn oqytý kezinde jaýapkershilik tanytyp, olarǵa túrli resýrstar jáne ádiskerler men psıhologtardyń kómegin de usynamyz», deıdi Supernovas ókilderi.