Baıraqty báseke qorytyndysy

Chempıonat dúnıejúzilik FIRST baǵdarlamasy aıasynda úsh jas sanatynda ótti: FLL Explore (6-10 jas), FLL Challenge (10-16 jas) jáne FIRST Tech Challenge (12-18 jas). Saıysqa robottar oıy­nynan basqa ınnovasııalyq jobalar baıqaýy men tóre­shi­ler sessııalary kirdi.

6-10 jas sanatynyń qory­tyndysy boıynsha amerı­kan­dyq Hıýstonǵa joldamany elordalyq Quantum STEM School «IQRobots» komandasy jeńip aldy. I oryndy Almaty qalasynyń Leas mek­te­biniń «Ochen ýmelye kapıbary» komandasy, II oryndy Ekibastuz qalasynyń Robopark mektebiniń «Billion team» komandasy, III oryndy Pavlodar qalasynyń Satýrn mektebiniń «Renessans» komandasy ıelen­di.

10-16 jas aralyǵyndaǵy FLL Challenge sanatynda Hıýstonǵa jol­damany Shymkent qala­sy­nan «Shym Side» komandasy jeńip aldy. I oryn Astana qalasynyń BIL-diń «Stay Hydrated» komandasynyń, II oryn  Oral qalasynyń 125 High School mektebiniń «Toro Doro» ko­man­dasynyń, III oryn  Se­meı qalasynyń BIL-diń «Ro Alemi» komandasynyń qan­jyǵasyna baılandy.

12-18 jas aralyǵyndaǵy FIRST Tech Challenge sanatynda Hıýstonǵa joldamany eki almatylyq komanda je­ńip aldy: «Bolt.m3», RFMM jáne «Yaku» NZM FMB. Dál osy sanat boıynsha Lon­donda ótetin jarysqa alma­tylyq NZM FMB-den «Jamaqaev» toby, Almaty qalasy №124 mekteptiń «124» toby jáne Almaty qala­sy­nyń «Alem» ın­no­va­sııalyq shyǵarmashylyq orta­­ly­ǵy­nyń «PID» komandalary ótti.

Sonymen qatar Hıýs­ton­ǵa «Dean's list» úzdik oqýshylarynyń dúnıejúzilik reıtıngisine sáıkes Astana qalasynyń «Quant» komanda­synan Aısha Almat jáne Almaty qalasynyń «124» ko­­man­dasynan Tomırıs Ońǵarbek esimdi oqý­shy­lar jeke shaqyrtýlar aldy. Son­daı-aq betpe-bet suh­bat nátı­je­leri boıynsha otandyq jáne sheteldik joǵary oqý oryndarynda oqý úshin 28 grant bólindi. Qatysýshylar Central Asia FIRST Championship uıym­dastyrýshylary Oqý-aǵar­tý mınıstrligi, USTEM Foundation, «Daryn» respýb­lı­­kalyq ǵylymı-praktıkalyq ortalyǵyna dán rıza bolyp, alǵystaryn aıtty.