Tótenshe jaǵdaılar mınıstrligi búgin saǵat 18:38-de Astana qalasy Nájimedenov 39 mekenjaıy boıynsha tórtinshi qabattaǵy páterde órt shyqqanyn habarlady, dep jazady Egemen.kz.
О́rt saldarynan aınalaǵa qoıý tútin taraǵan.
«О́rt sóndirýshilerdiń kúshimen qazirgi ýaqytta 30 adam qutqaryldy, onyń 15-i bala, 38 adam evakýasııalandy, onyń ishinde 15 bala bar. О́rtti sóndirýge elordalyq TJD jeke quramynyń 29 adamy jáne 8 tehnıkasy jumyldyryldy. Jalyn 30 metr aýmaqty sharpyǵan. О́rt saǵat 19:29-da sóndirildi», delingen TJM habarlamasynda.