Kórikti kóktemniń alǵashqy merekesi Alǵys aıtý kúnine oraı Qaraǵandyda «Alǵysymyz sheksiz» aksııasy bastaldy. Aksııa aıasynda Qaraǵandy Jastar resýrstyq ortalyǵynyń ókilderi men Táttimbet atyndaǵy kolledj stýdentteri oblys turǵyndaryn erekshe quttyqtady.
Stýdentter birneshe kún boıy ulttyq kıim kıip, qala turǵyndary men qonaqtaryna qurt taratty. Túrik halyqtarynyń dástúrli taǵamdaryn usynyp, halyq ánderin oryndady.
Aldaǵy ýaqytta mereke qarsańynda oblysymyzdyń aýdan-qalalarynda túrli is-shara uıymdastyrylmaq.
Máselen, «Temirjolshylar» mádenıet úıinde «Rızashylyq – meıirimdilik bulaǵy» atty dóńgelek ústel májilisi ótedi. «Molodejnyı» mádenıet úıinde «Shyn júrekten, myń alǵys», M.Áýezov atyndaǵy kitaphanada «Rahmet saǵan – Týǵan el!» mýzykalyq keshi ótedi. Munymen qosa qalanyń balalar men jasóspirimder klýbtarynda «Men alǵys aıtamyn» aqparattyq saǵaty uıymdastyrylyp, Jańa Maıqudyq mádenıet úıinde «Alǵys aıtý – asyl qasıet» konserttik baǵdarlamasy qoıyldy.
Osylaısha, qaraǵandylyqtar bir-biriniń kóńilinen sý iship júr.
Qaraǵandy oblysy