Prezıdent janyndaǵy Ulttyq ǵylym akademııasynyń vıse-prezıdenti laýazymyna belgili qazaqstandyq-amerıkalyq ǵalym Dos Jurmahanbetuly Sarbasov taǵaıyndaldy, dep habarlaıdy Egemen.kz.
Dos Sarbasov - onkologııalyq aýrýlarmen kúres salasyndaǵy álemdegi jetekshi ǵalym jáne osy aýrýlarmen kúresýdiń birqatar ınnovasııalyq ádisteriniń ázirleýshisi.
Sheteldik uıymdarda 25 jyldan astam ǵylymı qyzmet ótili, zamanaýı pánaralyq ǵylymı zertteýlerdi uıymdastyrýda, úılestirýde jáne basqarýda aıtarlyqtaı tájirıbesi bar.
Dos Sarbasovtyń 80-nen astam ǵylymı jarııalanymdary men 37 qoljazbasy bar, sondaı-aq ol mTOR aqýyzynyń ósýdegi, jasýshalardyń kóbeıýindegi, mRNQ transkrıpsııasyndaǵy jáne jasýsha ishindegi aqýyz bıosıntezindegi rólin ashýshylardyń biri.
Amerıkalyq bıohımııa jáne molekýlalyq bıologııa qaýymdastyǵynyń, Qazaqstan Respýblıkasy Prezıdentiniń janyndaǵy Ǵylym jáne tehnologııalar jónindegi Ulttyq keńestiń múshesi.