Otbasy mártebesi týraly

Is-sharaǵa Mádenıet jáne aqparat mınıstri Aıda Balaeva, Parlament depýtattary, halyqaralyq uıymdar men azamattyq sektor ókilderi qaty­syp, otbasylyq-demografııalyq saıa­sat, áıelderdiń qazirgi qoǵamdaǵy róli, otbasylardy áleýmettik jáne eko­no­mı­kalyq qoldaý, balalardyń quqyq­ta­ry jáne basqa da kóptegen mańyzdy máselelerdi talqylady.

Memleket basshysy Qasym-Jomart Toqaev Áıelder isteri jáne otba­­sylyq-demografııalyq saıasat jó­nin­degi ulttyq komıssııa múshelerine mereı­toıǵa oraı quttyqtaý hat joldady.

«Komıssııa genderlik tendikti qam­tamasyz etý, otbasy ınstıtýtyn ny­ǵaıtý jáne ana men balany qorǵaý isinde erekshe ról atqaryp keledi. Bul qurylym ýákiletti organdardyń, azamattyq sektordyń jáne bıznestiń kúsh-jigerin toǵystyratyn tıim­di minberge aınaldy. Ulttyq komıs­sııanyń sarapshylary zańdardy jáne memlekettik baǵdarlamalardy ázirleýge belsendi atsalysyp, mańyz­dy áleýmettik jobalar men bastamalardy júzege asyryp keledi. Keıingi kezde elimizde áıelder úshin tyıym salynǵan mamandyqtar tizimi jo­ıyl­­dy, saılaý kvotalary engizildi, ishki ister organdary júıesinde áıel qu­qyq­taryn qorǵaý jónindegi arnaýly bólimder quryldy. Sizderdiń eseli eńbekterińizdiń arqasynda Qazaqstan birqatar halyqaralyq konvensııany ratıfıkasııalap, genderlik teńsizdikti joıý jónindegi barlyq mindettemelerin oryndap keledi. Biz áıelderdiń qoǵam­daǵy mártebesin kóterý jáne otbasy qundylyqtaryn dáripteý úshin júıeli sharalardy jalǵastyryp, bar­sha­ǵa birdeı múmkindik beretin memleket – Ádiletti Qazaqstandy qurý jo­lyn­da naqty qadamdar jasaımyz», delin­gen Prezıdenttiń quttyqtaý só­zinde.

25 jyl ishinde ulttyq komıssııa otbasylyq jáne genderlik saıa­sat­taǵy ózekti máseleler boıynsha tıimdi jumys júıesin qura aldy. Komıssııa men seriktesterdiń birge atsalysýynyń arqasynda áıelder, otbasy jáne balalar quqyqtaryn qorǵaýǵa baǵyttalǵan júzdegen tabys­ty jobalar men bastamalar júzege asyryldy. Komıssııa osy salada mańyzdy sheshimder shyǵaryp, olardy iske asyrýǵa belsendi aralasatyn biregeı organǵa aınaldy.

«Amanat» partııasynyń hatshysy, Prezıdent janyndaǵy Áıelder isteri jáne otbasylyq-demografııalyq saıa­sat jónindegi ulttyq komıssııanyń múshesi Sholpan Karınova, BUU-nyń Qazaqstandaǵy turaqty úılestirýshisi Mıkaela Frıberg-Storı jáne basqa da spıkerler komıssııanyń róli aı­tarlyqtaı erekshe ekenin atap ótti. Is-sharaǵa qatysýshylar áıelder qu­qyq­tary men otbasylyq qundy­lyq­tardy qorǵaý salasyndaǵy odan ári yntymaqtastyq ornatyp, birlesip ju­mys atqarýǵa daıyn ekendigin jet­kizdi.

Forýmdy qorytyndylaǵan Aıda Balaeva búgingi jıyn otbasy már­tebesin arttyrýǵa, genderlik teń­dikti saqtaý jumystaryn odan ári damytýǵa, jetistikter men pers­pek­tıvalarǵa jol ashyp, birlesken ju­mysqa jańa serpin beretinine senim bildirdi.