«Qazaq gazetteri» seriktestiginiń er-azamattary áriptes qyz-kelinshekterdi merekemen quttyqtady. Shattyqty is-shara ujym basshysy Dıhan Qamzabekuly jáne orynbasary Vladımır Kýrıatovtyń alǵy sózimen bastalyp, konserttik baǵdarlamaǵa ulasty. Keshti Jánibek Álıman men Áset Syzdyqov júrgizdi.
Kóktemniń juparyn júrekke juqtyrǵan bul merekeniń máni de, mańyzy da zor. Qaı kezde de shan-sharaf, izet-qurmetke laıyq bolsa da, bul kúni názik jandylarǵa erekshe syı-sııapat kórsetiledi. Osy dástúrmen saltanatty is-shara hanymdardyń bárine gúl syılaýdan bastaý aldy.
Keshtiń basty jańalyǵy – jýrnalıster Abaı Aımaǵambet, Elik Áskerbekuly jáne Abzal Maqashtyń oryndaýyndaǵy «Ánge sal» áni boldy. Qarakózderdiń mártebesin ánmen áýeletken jigitterge halyqtyń rızashylyǵy erekshe boldy. Al merekelik oıyn konsertti odan saıyn qyzdyra tústi.
Batyrhan Sársenhan men Sándibek Asanáli ózderiniń óleńderin oqyp, arýlardy quttyqtady.
Kesh sońynda Shyńǵys Muqaev gıtaramen áýelete án shyrqap, kórermen qaýymdy tebirentti.
«Kóktemniń gúlindeı qulpyryp, ásemdiktiń, ádeptiliktiń, ádemiliktiń ıesi bolyp baqytty da baıandy ǵumyr keshińizder. Denderińizge saýlyq, shańyraqtaryńyzǵa shattyq, qut-bereke tileımiz. Kóńilderińizden kóktem kóshpesin, qurmetti arýlar!», degen tilekpen saltanatty is-sharany qorytyndylady ujymnyń jigitteri!