Italııanyń Býsto-Arsısıo qalasynda ótken lısenzııalyq týrnır aıaqtaldy. Boks básekesiniń nátıjesinde О́zbekstan erler quramasynyń sapy tolyqty, dep jazady Egemen.kz.
Kórshi el bokstan barlyq salmaq dárejesinde Olımpıada joldamasyn ıelendi.
О́zbekstan quramasynda 9 lısenzııa bolsa, Qazaqstan qorjynynda 7 joldama bar.
Tórt jyldyqtyń basty synynda baq synaıtyn О́zbek boksshylary:
Hasanboı Dýsmatov (51 kg) Abdýmalık Halokov (57 kg) Rýslan Abdýllaev (63,5 kg) Asadhýja Mýıdınhýjaev (71 kg) Týrabek Habıbýllaev (80 kg) Lazızbek Mýllojonov (92 kg) Bahodır Jalolov (+92 kg)Sondaı-aq О́zbekstan áıelder quramasynda eki boksshy Olımpıada joldamasyn enshilegen.
Qazaqstan erler quramasy Italııada ótken týrnırde 5 joldama jeńip aldy. +92 kg salmaq dárejesinde Qamshybek Qońqabaev Parıj olımpıadasyna joldama taǵdyryn sheship qoıǵan edi.
Sáken Bıbosynov (51 kg) Sabyrhan Mahmud (57 kg) Aslanbek Shymbergenov (71 kg) Nurbek Oralbaı (80 kg) Aıbek Oralbaı (92 kg) Qamshybek Qońqabaev (+92 kg)63,5 salmaqta sharshy alańǵa shyqqan Muhammedsabyr Bazarbaıuly Italııadaǵy týrnırde 1/16 fınalynan asa almady.
Qazaqstan áıelder quramasynda Olımpıadaǵa joldama, ázirge, Karına Ibragımovada (57 kg) ǵana bar.
Aıta keteıik, Olmpıadaǵa barar múmkindik boksshylarda áli de saqtalady. Olımpıada joldamasy 23 mamyr men 3 maýsym aralyǵynda Taılandtyń Bangkok qalasynda sarapqa salynady.