Búgin Joǵarǵy Sotta «Alıans-Gaz» JShS-niń kassasııalyq shaǵymy boıynsha azamattyq is qaraldy, dep habarlaıdy Egemen.kz vedomstvonyń baspasóz qyzmetine silteme jasap.
Almaty qalasynyń Qala qurylysyn baqylaý basqarmasy JShS-niń ústinen nysandy óz betinshe salǵan qurylys dep taný, jaýapkerdiń qarajaty esebinen avtogazyn toltyrý stansasyn buzý týraly talap qoıýmen sotqa júgingen.
Birinshi satydaǵy sot nysandy ruqsatsyz salynǵan qurylys dep taný talaptary bóliginde is júrgizýdi toqtatqan. О́ıtkeni zańda mundaı mazmundaǵy talap qoıýlardy qaraý kózdelmegen.
Talap qoıýdyń qalǵan bóligin qanaǵattandyra otyryp, sot Seriktestik AK-nyń 244-babynyń 1-tarmaǵyna sáıkes ruqsat etilmegen qurylysqa qatysty ǵımarat qurylysynyń zańdylyǵyn rastaıtyn dáleldemelerdi usynbaǵanyn negizge alǵan.
Sonymen qatar sot talap qoıýshyǵa jáne Qalalyq josparlaý jáne ýrbanıstıka basqarmasyna qatysty memlekettik sáýlet-qurylys baqylaýy salasynda ózderine júktelgen fýnksııalardy tıisinshe oryndamaýyna baılanysty jeke uıǵarym shyǵarǵan.
Apellıasııalyq satydaǵy sot sottyń qorytyndylarymen jáne qabyldanǵan sot sheshimderimen kelisken. Al Joǵarǵy Sot sot sheshimderiniń kúshin joıyp, talap qoıýdy qanaǵattandyrýsyz qaldyrǵan. Osylaısha «Alıans-Gaz» JShS-niń ótinishhaty qanaǵattandyryldy. Bul JShS 2016 jylǵy 9 jeltoqsandaǵy satyp alý-satý sharty negizinde janarmaı quıý stansııasynyń ıesi. Qala qurylysyn baqylaý basqarmasy tarapynan 2019 jyldyń qyrkúıeginde júrgizilgen tekserý barysynda JShS qoldanystaǵy janar-jaǵarmaı quıý stansııasynyń ǵımaratynda qaıta jóndeý jumystaryn júrgizgen.
Alaıda baqylaýshy organ ruqsat etilmegen qurylys retinde ǵımaratty túgeldeı sot arqyly buzýdy talap etken. JShS-da quqyq belgileıtin qujattar bolǵandyqtan úı-jaılar buzylmaıtyn boldy.
Seriktestik 600 myńnan astam somaǵa aıyppul túrindegi ákimshilik jaýapkershilikke tartyldy. Isti qaraý kezinde tóraǵalyq etýshi N.K.Sháripov JShS atalǵan jer teliminiń ıesi ekenin atap ótti. 1999 jyldan beri jumys istep turǵan janar-jaǵarmaı quıý beketi óz sheginen shyqpaǵan.