Qaraǵandy oblysynda qylmystyq quqyq buzýshylyq jasady degen kúdikpen «Qazaqmys korporasııasy» JShS sharttyq-narazylyq bóliminiń bastyǵy ustaldy, dep habarlaıdy Egemen.kz kompanııanyń baspasóz qyzmetine silteme jasap.
«Qazaqmys korporasııasy» JShS zań qyzmeti departamenti Ortalyq óńirdiń zań basqarmasynyń sharttyq-narazylyq bóliminiń bastyǵy Azat Maqsutuly Jumabaev ustaldy. Qazirgi ýaqytta A. M. Jumabaevqa qatysty tergeý sharalary júrgizilip jatyr», delingen habarlamada.
Kúdikti 13 naýryz kúni ustaldy, ony «Qazaqmys korporasııasy» JShS qaýipsizdik dıreksııasy qyzmetkerleriniń qatysýymen Qaraǵandy oblysynyń Ishki ister departamenti Uıymdasqan qylmysqa qarsy kúres basqarmasynyń qyzmetkerleri júrgizdi.
Azat Jumabaev QR QK 194-babynyń 1-bóliginde kózdelgen «Bopsalaý» qylmystyq quqyq buzýshylyǵyn jasady degen kúdikke ilindi.