Bul týraly Syrtqy ister mınıstrliginiń resmı ókili Aıbek Smadııar aıtty, dep habarlaıdy Egemen.kz.
2014 jyly Jasóspirimder arasyndaǵy ekinshi jazǵy olımpıada oıyndarynda chempıon atanǵan erkin kúres balýany Muhambet Qýatbek 27 jasynda dúnıeden ótti. Osy oraıda Syrtqy ister mınıstrliginiń ókili Aıbek Smadııar qaıtys bolǵan sportshynyń denesi elge qashan jetkiziletinin aıtty.
«2024 jylǵy 19 naýryzda Fıladelfııa qalasynda Qazaqstan azamaty qaıtys bolǵany týraly aqparat kelip tústi. Otandasymyzdyń denesi 16 naýryzda Fıladelfııa qalasynyń máıithanasyna jetkizildi. Fıladelfııa qalasynyń sot-medısınalyq keńsesiniń málimeti boıynsha ólim júrektiń toqtap qalýynan bolǵan. Naqty aqparatty kútip otyrmyz. Qazaqstannyń konsýly qaıtys bolǵan azamatymyzdyń týystarymen baılanys ornatty. Qazirgi ýaqytta máıitti Qazaqstanǵa jetkizý boıynsha is-sharalar uıymdastyrylyp jatyr», dedi Aıbek Smadııar.
Aıta ketsek, Muhambet Qýatbek Túrkistan oblysynyń týmasy edi.